ການກະກຽມປ້ອງກັນບົດຈົບຊັ້ນຂອງນັກສຶກສາຊັ້ນສູງຕໍ່ເນື່ອງ ຫຼັກສູດ 12+2+1,5 ຮຸ່ນທີ 12 ສົກຮຽນ 2022-2023

    ໃນຕອນແລງຂອງວັນທີ 20 ກຸມພາ 2023 ທີ່ຫ້ອງປະຊຸມຂອງໂຮງຮຽນເຕັກນິກ-ວິຊາຊີບແບບປະສົມ ແຂວງໄຊຍະບູລີ ໄດ້ມີການເປີດກອງປະຊຸມກະກຽມພິທີການປ້ອງກັນບົດລາຍງານຈົບຊັ້ນຂອງນັກສຶກສາຊັ້ນສູງຕໍ່ເນື່ອງ ຫຼັກສູດ 12+2+1,5 ຮຸ່ນທີ 12 ສົກຮຽນ 2022-2023.

    ໃນກອງປະຊຸມໂດຍປະທານຂອງທ່ານ ທອງດີ ເນົາວັນເພັງ ຮອງຜູ້ອໍານວຍການໂຮງຮຽນ, ມີທ່ານ ສາຍທຽນ ບຸນທັນທີ ຫົວໜ້າພະແນກວິຊາການ, ມີຄະນະພະແນກການຂອງໂຮງຮຽນ, ຄະນະກໍາມະການປ້ອງກັນບົດ, ອານຸກໍາມະການຕ່າງໆເຂົ້າຮ່ວມທັງໝົດ 19 ທ່ານ, ຍິງ 3 ທ່ານ ແລະ ພ້ອມນັກສຶກສາ 4 ສາຂາວິຊາຄື: ສາຂາການບັນຊີ, ສາຂາປູກຝັງ, ສາຂາລ້ຽງສັດ ແລະ ສາຂາເຕັກໂນໂລຊີໄຟຟ້າເຂົ້າຮ່ວມ ໃນກອງປະຊຸມດັ່ງກ່າວໄດ້ຮັບຟັງລາຍງາຍຄວາມພ້ອມໃນການປ້ອງກັນບົດຂອງນັກສຶກສາຈາກ ທ່ານ ສາຍທຽນ ບຸນທັນທີ ຫົວໜ້າພະແນກວິຊາການຂອງໂຮງຮຽນ ເລື່ອງວຽກງານຕ່າງໆດັ່ງນີ້:

1, ຄວາມພ້ອມບົດຂອງນັກສຶກສາ

2, ຄວາມພ້ອມຂອງຄະນກະໍາມະການປ້ອງກັນບົດແຕ່ລະສາຂາ

3, ຄວາມພ້ອມຂອງຫ້ອງທີ່ໃຊ້ໃນການປ້ອງກັນບົດໃນ 4 ສາຂາວິຊາ

4, ລະບຽບຂອງການປ້ອງກັນບົດ

    ໃນພິທີດັ່ງກ່າວ ຍັງໄດ້ຮັບຟັງຄໍາເຫັນຈາກທ່ານປະທານ ໃຫ້ເອົາໃຈໃສ່ປະຕິບັດຕໍ່ວຽກງານທີ່ກ່າວມາຂ້າງເທິງຢ່າງລະອຽດ ແລະ ທ່ານປະທານຍັງໄດ້ໃຫ້ທິດ ແລະ ໃຫ້ຄໍາຊີ້ແນະກ່ຽວກັບການຊອກວຽກເຮັດງານທໍາກ່ຽວກັບວິຊາສະເພາະຂອງຕົນອີກດ້ວຍ.