ພິທີເປີດການຝຶກອົບຮົມການວາງແຜນພັດທະນາໂຮງຮຽນ ໃຫ້ແກ່ຄະນະພະແນກ, ພາກວິຊາຂອງໂຮງຮຽນເຕັກນິກ-ວິຊາຊີບແບບປະສົມ ແຂວງໄຊຍະບູລີ ຄັ້ງວັນທີ 26-30 ທັນວາ 2022

    ໃນຕອນເຊົ້າຂອງວັນທີ 26 ທັນວາ 2022 ທີ່ ໂຮງຮຽນເຕັກນິກ-ວິຊາຊີບແບບປະສົມ ແຂວງໄຊຍະບູລີ, ໄດ້ມີພິທີເປີດການຝຶກອົບຮົມຂຶ້ນໃນຫົວຂໍ້: ການວາງແຜນພັດທະນາໂຮງຮຽນໃຫ້ແກ່ຄະນະພະແນກ, ພາກວິຊາ, ພະນັກງານວິຊາການຂອງໂຮງຮຽນ ສົກຮຽນ 2022-2023 ແລະ ມີບັນດາໂຮງຮຽນມັດທະຍົມສຶກສາສົມບູນອ້ອມຂ້າງເຂົ້າຮ່ວມ ໃນພິທີເປີດກອງປະຊຸມດັ່ງກ່າວໂດຍຕາງໜ້າການເປັນປະທານຂອງ ທ່ານ ດຣ ສາຍສະໝອນ ງາມສີ ຮອງຫົວໜ້າກົມອາຊີວະສຶກ ສາ, ທ່ານ ນ. ສອນເພັດ ສີບຸນຄົງ ຮອງຜູ້ອໍານວຍການໂຮງຮຽນ, ທ່ານ ສຸລິຄໍາກອນ ສີສຸລາດ (ຄູຝຶກ), ມີບັນດາຄະນະພະແນກການ, ພາກວິຊາ, ພະນັກງານວິຊາການໂຮງຮຽນເຕັກນິກ-ວິຊາຊີບແບບປະສົມຂອງແຂວງ 20 ທ່ານ, ຍິງ 6 ທ່ານ, ໂຮງຮຽນມັດທະຍົມສຶກສາສົມບູນຊົນເຜົ່າແຂວງ 1 ທ່ານ ຍິງ 1 ທ່ານ, ໂຮງຮຽນມັດທະຍົມສຶກສາສົມບູນໄຊຍະບູລີ 1 ມ່ານ, ຍິງ 1 ທ່ານ, ໂຮງຮຽນມັດທະຍົມສຶກສາສົງ 1 ທ່ານ ຍິງ 0 ທ່ານ ແລະ ສູນການສຶກສານອກໂຮງຮຽນ 1 ທ່ານ ລວມມີຜູ້ເຂົ້າຮ່ວມທັງໝົດ 26 ຄົນ, ຍິງ 8 ຄົນ, ໃນການຝຶກອົບຮົມຄັ້ງນີ້ໃຊ້ເວລາ 5 ວັນ ເລີ່ມແຕ່ວັນທີ 26-30 ທັນວາ 2022 ໂດຍມີຄະນະຮັບຜິດຊອບ ແລະ ຜູ້ເຂົ້າຮ່ວມ ດັ່ງນີ້: 

1. ທ່ານ ໜູພັນ ອຸດສາ ຫົວໜ້າກົມອາຊີວະສຶກສາ ເປັນປະທານ
2. ທ່ານ ທອງຈັນ ພັນທຸອາມາດ ຜູ້ອໍານວຍການໂຮງຮຽນ ເປັນຮອງ
3. ທ່ານ ທອງດີ ເນົາວັນເພັງ ຮອງຜູ້ອໍານວຍການໂຮງຮຽນ ເປັນຄະນະ
4. ທ່ານ ສາຍທຽນ ບຸນທັນທີ ຫົວໜ້າພະແນກວິຊາການ ເປັນຄະນະ
5. ທ່ານ ຈື່ດີ ທໍ່ ຜູ້ປະສານງານໂຄງການ Vtess ເປັນຄະນະ
6. ທ່ານ ກອງມະນີ ທໍາມະວົງໄຊ ຜູ້ປະສານງານໂຄງການ Vtess ຂັ້ນແຂວງ ເປັນຄະນະ
7. ທ່ານ ສຸລິຄໍາກອນ ສີສຸລາດ ຄູຝຶກ
8. ທ່ານ ຄະນະພະແນກ, ຄະນະພາກວິຊາ, ພະນັກງານວິຊາການ ເປັນສໍາມະນາກອນ

   ການຝຶກອົບຮົມໃນຄັ້ງນີ້ໃຫ້ການສະໜັບສະໜູນງົບປະມານຈາກ ໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທໍາ (VTESS).

    # ຈຸດປະສົງຂອງການຝຶກອົບຮົມໃນຄັ້ງນີ້:

• ເພື່ອໃຫ້ຄະນະພະແນກ, ພາກວິຊາໄດ້ຮຽນຮູ້ ແລະ ຝຶກທັກສະໃນການວາງແຜນ
• ເພື່ອໃຫ້ຄະນະພະແນກ, ພາກວິຊານໍາໃຊ້ຄວາມຮູ້ ແລະ ທັກສະການວາງແຜນເພື່ອຫັນເອົາແນງທາງນະໂຍບາຍຂອງກົມອາຊີວະສຶກສາ, ໂຮງຮຽນເຕັກນິກ-ວິຊາຊີບແບບປະສົມ ແຂວງໄຊຍະບູລີ ມາຈັດຕັ້ງປະຕິບັດຂອງພະແນກ, ພາກວິຊາຂອງຕົນເອງ.

    # ຄາດຄະເນຜົນໄດ້ຮັບຫຼັງຈາກການຝຶກອົບຮົມໃນຄັ້ງນີ້:

• ຄະນະພະແນກ, ພາກວິຊາສາມາດນໍາເອົາແຜນຍຸດທະສາດຂອງກົມອາຊີວະສຶກສາ, ໂຮງຮຽນເຕັກນິກ-ວິຊາຊີບແບບປະສົມ ແຂວງໄຊຍະບູລີ ມາເປັນແຜນຈັດຕັ້ງປະຕິບັດຂອງຕົນເອງ.
• ແຜນຈັດຕັ້ງປະຕິບັດຂອງພະແນກ, ພາກວິຊາ ແທດເໝາະກັບສະພາບຕົວຈິງ ແລະ ສາມາດຈັດຕັ້ງປະຕິບັດໄດ້.
• ຄຸນນະພາບຂອງການຈັດຕັ້ງການຮຽນ-ການສອນດີຂຶ້ນ.

    ການຝຶກອົບຮົມໃນຄັ້ງນີ້ຄູຝຶກຍັງໄດ້ໃຫ້ນັກສໍາມະນາກອນສະເໜີຄວາມຄາດຫວັງຈາກການຝຶກອົບຮົມຄັ້ງນີ້, ສຶກສາສະພາບ, ບັນຫາ, ສາເຫດ ແລະ ຜົນກະທົບຂອງແຕ່ລະພະແນກການ, ພາກວິຊາ ແລະ ໂຮງຮຽນຂອງຕົນ ດ້ວຍການນໍາໃຊ້ຕົ້ນໄມ້ບັນຫາເພື່ອວິເຄາະ, ພ້ອມກັບການນໍາສະເໜີເຄົ້າໂຄງຂອງແຜນໂຄງການ, ຂຽນແຜນໂຄງການ ແລະ ກໍານົດຕົວຊີ້ບອກປະຈໍາແຕ່ລະພະແນກການ, ພາກວິຊາ ແລ້ວຂຶ້ນນໍາສະເໜີ.

 ໜັງສືສະເໜີ, ແຜນໂຄງການ, ຂໍ້ຕົກລົງ ແລະ ວາລະກອງປະຊຸມ